Nis faza e aplikimeve për Çmimet Shqiptare – Tourism Grand Excellence Awards
November 21, 2024 || views
Turizmi është një nga sektorët më premtues që gjeneron rritje ekonomike. Në vitin 2023 Shqipëria u rendit e 4-ta në nivel global për rritjen më të madhe në përqindje të ardhjeve ndërkombëtare të turistëve, duke shënuar rritje prej 56% në vitin 2019. Shqipëria mirëpriti 7.5 milionë ardhje ndërkombëtare në vitin 2022 dhe 10.1 milionë në 2023. Rikthimi i fuqishëm i fuqishëm në turizëm kontribuoi në rritjen ekonomike prej afro 5% rritje në vitin 2022. Që nga viti 2023, PBB-ja me çmimet aktuale arriti në 23 miliardë dollarë krahasuar me 12.3 miliardë dollarë në 2012. Turizmi ndërkombëtar në Shqipëri përbën 46% të totalit të eksporteve dhe 65% të eksporteve në sektorin e shërbimeve. (Burimi, Organizata Boterore e Turizmit – UN Tourism).
Travel Magazine – Balkans dhe Albanian Excellence kanë vendosur për këtë arsye Tourism Grand Excellence Awards Albania, si një masë për të promovuar praktikat më të mira, njohjen e kontributit në zhvillimin e turizmit shqiptar dhe për të ofruar një forum për shkëmbimin dhe përforcimin e praktikave më të mira, për të përmirësuar ndërgjegjësimin dhe njohuritë mbi sektorin e turizmit rreth parakushtet për një zhvillim të qëndrueshëm.
Të gjitha propozimet konkuruese do të vlerësohen nga një juri e përbërë nga panel ekspertësh. Rezultatet e konkursit do të shpallen gjatë ceremonisë se aktivitetit publik të organizuar në Tiranë për Çmimet Shqiptare Tourism Grand Excellence Awards në dt. 31 janar 2025.
Qëllimi i konkursit për çmimet shqiptare Tourism Grand Excellence është:
Të prezantojë përpjekjet cilësore të bizneseve shqiptare të turizmit Të prezantojë perpjekjet inovatore të bizneseve dhe organizatave OJF, për të përmirësuar ofertën e turizmit shqiptar Të evidentojë përpjekjet e bizneseve shqiptare dhe organizatave OJF për të mbështetur zhvillimin e turizmit të qëndrueshëm në Shqipëri. Të evidentojnë eksperienca të suksesshme dhe praktikat më të mira të turizmit respektiv në Shqipëri, duke ndikuar pozitivisht në aktorët e kësaj industrie. Të kultivojnë një kulturë ekselente në industrinë turistike, të orientuar nga cilësia dhe qëndrueshmëria.
Kriteret e vlerësimitJuria e konkursit do t’i japë prioritet propozimeve të cilat marrin në konsideratë:
– Produktin Turistik Autentik Shqiptar
– Marketingun Turitik
– Cilësinë e Shërbimit në Turizëm
– Qëndrueshmërinë e produktit/ Destinacionit
– Inovacionin Turistik
– Bashkëpunimin ndërmjet aktorëve të ndryshëm në sektorin e turizmit, ideve që përfshijnë përfitime për bizneset e ndryshme dhe palët e interesuara në këtë sektor;
– Gjenerimin e vendeve të reja të punës në sektorin e turizmit sidomos për gratë dhe të rinjtë;
– Fuqizimin e grave përmes turizmit; bizneset rurale dhe të pazhvilluara, etj
Kush mund të aplikojë dhe si?Pjesëmarrësit e mundshëm në këtë konkurs: individë, grupime, organizata, kompani dhe komunitet që kanë dhënë një kontribut të dukshëm në zhvillimin e qëndrueshëm të turizmit në Shqipëri, duke marrë parasysh aspektet ekonomike, sociale dhe ekologjike.
Kategoritë e Çmimeve Tourism Grand Excellence 2024
Kategoria për Kontribut në Zhvillimin e Produkteve Shqiptare të Turizmit Kategoria për kontribute në rritjen e cilësisë së shërbimeve të Turizmit Shqiptar Kategoria për arritje në zbatimin e praktikave inovative në turizëm Kategoria për kontribute në zbatimin e Praktikave të Qëndrueshme në Turizëm Kategoria për kontribute në zbatimin e praktikave të menaxhimit të destinacionit. Kategoria për kontribute në zhvillimin e Turizmin Shqiptar (individë)
Propozimi duhet të përfshijë informacionin e kërkuar aplikimin sipas formatit të përcaktuar, që do t`u dërgohet të interesuarve në email.
Aplikantët e interesuar mund të kontaktojnë për pyetje apo sqarime të mëtejshme në [email protected] , deri në dt. 20 dhjetor 2024.Të gjitha propozimet e plotësuara sipas formateve duhet të dërgohen me e-mail në adresën e mësipërme me titull subjekti: Konkursi ” Tourism Grand Excellence Awards” Albania. Afati i fundit i aplikimit është dt. 31 dhjetor 2024. Aplikantët fitues do të shpallen në aktivitetin publik të përmendur më lart, në një ceremoni solemne dhe dinjitoze.
Sqarim i rëndësishëm:Për t’u bërë pjesë e TGE, nuk aplikohet asnjë lloj tarife monetare, as në dorëzimin e dokumentacionit, as në shpalljen e Çmimeve.
Çmimi juaj do të jetë rezultat i kontributit tuaj në komunitet, kontribut i cili do të vlerësohet nga një juri dinjitoze, anëtarët e së cilës janë emra me shumë integritet në fushën e turizmint shqiptar dhe që do t’i bëjmë publikë në vazhdimësi.
– Nëse e ndjen veten pjesë me kontribut të shquar në komunitetin e turizmit, apliko!
– Secili nga ju mund të aplikojë për/ose të propozojë emra individësh me kontribut të shquar në turizëm.
Ju presim!https://forms.gle/ryrr98BhbBRQyX1DA