Nëse vërtet e keni ëndërruar një shtëpi të tillë, qoftë edhe për pak ditë, apo net, kjo që do t`ju tregojmë i kalon të gjitha pritshmëritë tuaja. Ajo që është është më e rëndësishme dhe që i jep vlerë kësaj rezidence, janë objektet e trashëgimisë, që zbukurojnë çdo dhomë, aq sa do t`ju duket sikur jeni në një shtëpi të vjetër tironce. Këto objekte të çmueshme e bëjnë vilën të marrë vlerën e një muzeu etnografik, ku shumica e objekteve janë pjesë e përdorimit të përditshëm por edhe të trashëgimisë kulturore. Nëpër mure, ju përshëndesin punë artistike dhe fotot e vjetra historike të Tiranës, që vijnë përmes objektivit dhe arkivës së pasur të Foto Rreli. Po flasim për #IONIA HOUSE Vila Rreli Surrel

Të gjithë ne në ëndrrat dhe dëshirat tona, teksa jetojmë jetën tonë të vrullshme e të zhurmshme në kaosin e përditshëm të qytetit, dëshirojmë të shkëputemi qoftë edhe një ditë të vetme diku larg, në natyrë, në një shtëpi të bollshme plot hapësirë e lule, ajër të pastër e veranda plot dritë, ku boritë e makinave dhe pluhuri i trafikut nuk mbërrijnë dot. Ose nganjëherë kemi dëshirë të mblidhemi me miqtë dhe të dashurit e zemrës, për të kaluar ca momente të hareshme në mënyrën tonë, e jo në cep të ndonjë restoranti, ku urimet dhe të qeshurat tona duhet t`i dëgjojnë edhe klientët e tjere, por edhe jo ngushtë e ngushtë në apartamentet tona.

E pra, në ditët e sotme gjithçka gjen zgjidhje, nëse mund t`ia lejoni vetes të tilla kënaqësi. Madje do t`ju thoshim se nëse vërtet e keni ëndërruar një shtëpi të tillë, qoftë edhe për pak ditë, apo net, kjo që do t`ju tregojmë i kalon të gjitha pritshmëritë tuaja.
Diku në Surrelin që kohët e fundit lakohet shumë për faktin se aty jeton kryeminstri me dëshira të çuditshme i Shqipërisë ndodhet një vilë e tillë, që është as më pak e as më shumë por pronë e familjes Rreli. Nëse e njihni Tiranën, duhet ta njihni patjetër edhe Foto Rrelin, diku në krye të bulevardit “Zogu i I-rë”. Në fakt mbiemri “Rreli” për Tiranën është i njohur në shumë hapësira e përmasa, pasi I ka dhënë kryeqytetit shumë personalitete që përfshijnë fusha të ndryshme, si arti, sporti apo shkenca por për këtë do t`ju falsim ndoshta në një numër tjetër. Për këtë herë po përqendrohemi tek ajo që për pak ditë mund ta shijoni si shtëpinë tuaj.

Nëse e keni ndarë mendjen që doni të planifikoni diçka në fundjavë, ato duhet të jenë patjetër dy netë, që të keni mundësi me qëndrimin tuaj, të shijoni çdo mjedis të kësaj vile të bukur. Kopshtet e mbjella me pemë, që në çdo stinë ju shpërblejnë me fruta e perime, ku natyrisht mund të merrni sa të doni për të pregatitur vaktet tuaja, pishina që edhe në stinën e dimrit është një mjedis i këndshëm e ku në ditë me diell po të doni edhe mund të laheni, verandat e gjera e plot dritë, ku mund të shtroni drekën tuaj e të rrini deri vonë duke soditur perëndimin e diellit, ballkonet e shumta që shikojnë një panoramë 360 gradë të natyrës së mrekullueshme përreth, do t`ju bëjnë të harroni për pak momënte kaosin e zhurmshëm urban ku jetoni çdo ditë. Këtu koha nuk ka minuta e orë që vrapojnë.

Por ajo që është është më e rëndësishme dhe që i jep vlerë kësaj rezidence, janë objektet e trashëgimisë, që zbukurojnë çdo dhomë, aq sa do t`ju duket sikur jeni në një shtëpi të vjetër tironce. Këto objekte të çmueshme e bëjnë vilën të marrë vlerën e një muzeu etnografik, ku shumica e objekteve janë pjesë e përdorimit të përditshëm por edhe të trashëgimisë kulturore. Nëpër mure, përveç fotove të anëtarëve të shtëpisë (që do t`ju bëjnë të ndiheni sikur keni ardhur mik), ju përshëndesin edhe fotot e vjetra historike të Tiranës, që vijnë përmes objektivit dhe arkivës së pasur të Foto Rreli.

Vila ndodhet në zonën e Dajtit, 440 m mbi nivelin e detit me një temperaturë shumë të këndshme në raport me qytetin, dhe distanca është 10.2 km nga qendra e Tiranës.
Në vilë janë të disponueshme 5 dhoma, secila me tualet, një ambient i bollshëm ndenjeje, ambient i madh më vete për të gatuar dhe për të ngrënë, pishinë e hapur, kopsht me shumë gjelbërim dhe parkim të konsiderueshëm për makinat. Dhomat janë të kompletuara dhe të sistemuara si në hotelet bashkëkohorë, madje secila prej tyre ka emrin e vet, çka i bën me tipare të veçanta.

Ja pra se si edhe po nuk patët një shtëpi tuajën në fshat apo edhe në ndonjë zonë të bukur natyrore, ku do të donit të mblidheshit me miqtë, mund ta keni të paktën për një fundjavë.

Adresa Surrel, Surrel, Dajt, Tiranë, Albania
Tel: +355 682029675.
Air Bnb: #IoniaHouse

Më shumë foto për këtë mjedis të mrekullueshëm: