A e dashuroni biçikletën? Mjetin e transportit më ekologjik në botë? Po? Atëhere kemi një propozim për ju. Një propozim që në pamje të parë mund të duket i pamundur por nëse po jua propozojmë, do të thotë që është i mundur sepse fillimisht e kemi provuar vetë këtë nismë e pasi ia dolëm me sukses dhe provuam ndjesi të paharrueshme, vendosëm që t`jua propozojmë edhe juve, për t`ju bërë të provoni të njëjtat ndjesi e ndoshta më të bukura.
A keni provuar ndonjëherë të bëni një udhëtim me biçikletë rreth e qark Ballkanit? Është nga përvojat më ekzaltuese që ne kemi provuar gjer më sot. 6 ditë udhëtim i paharrueshëm përmes qytetesh e fshatrash, natyre të bukur e sfidash jo të vogla, të cilat do t`ju vënë në provë por edhe që do t`ju shijojnë pa masë. Udhëtimi fillon në Tiranë duke ndjekur një trajektore Tiranë – Lin – Pogradec – Shën Naum – Liqeni i Ohrit – Ohër – Strugë – Pejë – Bogë – Rrozhajë – Boranë – Plavë – Guci – Vuthaj – Vermosh – Lëpushë – Bajzë – Shkodër – Lezhë – Tiranë.
Një itinerar i gjatë që kalon nëpër katër shtete duke ju ofruar jo vetëm për secilin nga një përvojë ndryshe por një të tillë ndryshe për secilën zonë ku do kaloni. Mikpritje që e gjen në çdo zonë, ushqime të larmishme që tregojnë traditën e veçantë dalluese ku shijet herë përzihen e herë ndahen, një gjeografi e mahnitshme që ndryshon nga kilometri në kilometër, një reliev që herë ngjitet e herë zbret, duke e bërë udhëtimin më ekzaltues. Udhëtimi alternohet me makinë, duke zgjedhur për të përshkuar me biçikletë segmentet më të bukura. Ju, të dashuruarit me biçikletën, mos e humbisni këtë tur të veçantë nëpër trojet më të bukura shqiptare në Ballkan!

Klubi “Discover Albania”
Te.: +355696583870
+355 69 40 40 333
www.discoveralbanianow.com