Mos e mendoni dy herë por vizitojeni tri herë – pusho shqip! Peja vjen me ofertë të larmishme për sezonën e dimrit!

Ngjyrat e Pejës janë magjike kur ajo mbulohet me petkun e bardhë të borës. Ky qytet i cili është edhe porta hyrëse në parkun Nacional “Bjeshkët e Nemuna” i ofron atraksionet e saj në aventurat mahnitëse të cilat do t’ju lenë mbresa dhe do t`i mbani gjatë në memorien tuaj. Andaj shfrytëzoni kohën dhe shijoni këto bukuri të Pejës të mbuluara me petkun e bardhësisë.

Peja është një qytet turistik jo shumë i madh në të cilin jetojnë 100.000 banorë dhe shtrihet në perëndim të Kosovës. Largësia nga Prishtina është 84 km, nga Tirana 270 km ndërsa nga Shkupi 160 km. Qasja e lehtë dhe afërsia me kryeqytetet tona e bën këtë vend të vizitohet gjatë të gjithë vitit nga bashkëkombasit tanë e sidomos edhe në sezonën e dimrit.

Sezona e dimrit e bën këtë vend mjaft tërheqës për shumë turistë pasi që ofron mundësi të ndryshme të përjetimeve për të gjitha moshat. Përvec Pejës e cila gjatë dirmit mbulohet me borë dhe sidomos nata shnëdrohet në atraksion për qytetarët dhe vizitorët, është edhe zona malore e Rugovës, e cila ofron eksperiencat më të bukura për të gjithë ata që vizitojnë Pejën.

Terrenet e përshtatshme në këtë rajon malor ofrojnë mundësi për të kaluar eksperienca të bukura ndërsa aktivitetet që mund t1i zhvilloni janë të ndryshme, si ecje me papuçe bore, pushtimi i majave mbi 2000 m me ngjitje alpine, skijim, skijim i lirë në terrene të ndryshme, snowboard etj.

Për të gjitha këto eksperienca tani disa fshatra në rajonin malor të Rugovës si Bogë, Shkrel, Shtupeq, Reka Allages, Kuqishtë, Drelaj etj., janë pregatitur me ofertën e tyre me mjaft finesë që ju vizitorë të përjetoni kënaqësi, eksperienca dhe përjetimet e dimrit. Ndërsa kompanitë turistike të specializuara për ju, ofrojnë aktivitete të kombinuara duke filluar nga moshat e reja e deri në ato më të moshuara. që të kalojnë një ditë duke shëtitur në terrene të badha e duke përjetuar aventura.
Disa nga përjetimet që mund të bëni janë vizitat në liqenin e ngrirë në Liqenat në lartësinë 1860 m, pushtimin e majave alpine mbi 2000 m, terrenet e përshtatshme për ecje me papuçe bore dhe programe edukative për familje me fëmijë, duke mësuar mbijetesën dhe sfidat e dimrit, skijim dhe trajnime për ski për të gjitha moshat, skijim i lirë për profesionistët, që mund të realizohen në terrenet e vështira apo duke u lëshuar nga majat e maleve si dhe për ekspertët ekstremeve me snowboard.

Fshati turistik Bogë

është një nga fshatrat më turistikë në destinacionin e Pejës, i cili vizitohet gjatë tërë vitit e veçanërisht në sezonën e dimrit. Është i vendosur 36 km në perëndim të qytetit të Pejës dhe qasja në të është shumë e lehtë pasi që rruga është e gjitha e asfaltuar dhe mirëmbahet gjatë gjith kohës. Në këtë fshat është i zhvilluar shtegu i skive dhe skilifti i cili ofron kushte të mira për të gjithë adhuruesit e skive, duke filluar nga ata të nivelit bazik e deri në nivelin e avancuar.

Në këtë fshat tani ekzistojnë edhe shkollat e skive, ku prindërit që adhurojnë sportet dimërore, mund të përfitojnë kurse për fëmijët e tyre, duke filluar nga ato bazike e deri në ato profesionale, me eksperiencat që I bëjnë të aftë për pjesëmarrje në garat e skive. Gjithashtu nga ky fshat janë të lidhura shtigjet për ecje, ku vizitorët mund të bëjnë ecje ditore me papuçe bore duke shijuar pamjet e bjeshkëve të Rugovës.
Për të gjithë adhuruesit e jetës së natës dhe ato shoqëri që dëshirojnë ta kalojn kohën së bashku, duke u shoqëruar dhe vallëzuar nën tingujt e muzikës, në këtë fshat në bare dhe restorane të ndryshme ofrohen mundësi të argëtimit, ku njëherit do të shijoni edhe recetat e ushqimeve tradicionale të vendit. Atmosfera në Bogë është mjaft e bukur dhe e ngrohtë, me zjarret e ndezura në oxhakë dhe stufa, çajet e ngrohta pranë zjarrit e bisedat me miqtë, muzika e bukur në sfond, ndërkohë që jashtë bie borë.

Liqejt e Rugovës
Zona turistike e Liqeneve të Rugovës (Liqeni i Liqenatit dhe liqeni i Drelajve) njihen si perla unike të natyrës së Rugovës nëpër të cilin kalojnë shtigjet ndërkombëtare “Majat e Ballkanit” dhe “Via Dinarica” por edhe vizitohen nga shumë turistë gjatë gjithë vitit pasi që janë lehtë të arritshëm.
Shtrihen në pjesën jug-perëndimore të Rugovës dhe njihen si një nga zonat me bukuri më të mëdha natyrore, florë dhe faunë mjaft të pasur, burime ujore, liqej dhe gjallesa ujore, andaj kjo zonë është në mbrojte me ligj për shkak të biodiversitetit që ofron.

Një zonë mjaft atraktive është zona e Liqenatit të Kuqishtës e cila gjendet në pjesën perëndimore të Pejës, në lartësi mbidetare prej 1460 m. Kjo është shndërruar në një zonë mjaft tërheqëse, duke ofruar përvoja të bukura natyrore me pamje magjepsëse të vargmaleve të Rugovës, akomodim të rehatshëm si dhe ushqime tradicionale për të gjithë adhuruesit e natyrës. Ky fshat turistik është edhe më specifik gjatë sezonës së dimrit. Bukuria e saj del në pah atëhere kur pishat e larta të cilat arrijnë lartësin mbi 20 m dhe e rrethojnë këtë zonë turistike mbulohen nga bora, duke krijuar një panoramë shumë të bukur dimërore, që ngjan si në përrallat me babagjysh e, për të gjith turistët, të cilët duan që përjetimet e tyre të jenë të paharuara, është zona ideale.

Ajo që e bën këtë zonë edhe më unike dhe ofron përjetime të veçanta për vizitorët, janë liqejt e Rugovës që gjenden në lartësi prej 1860 m. Ata adhurures të ecjes në natyrë, mund të bëjnë ecje me papuçe bore për ta arritur këtë zonë atraktive ku do t`i gjejnë liqejt e ngrirë dhe mund të futen edhe brenda tyre pasi që shtresa e akullit është mjaft e trashë dhe nuk rrezikon të thyhet nga pesha e trupave. Kështu ata mund të ushtrojnë në mynyrë amatore edhe sportin e patinazhit në akull.

Liqeni i Liqenatit është një liqen i cili nuk shteron asnjëherë por edhe mbushet nga të reshurat atmosferike e sidomos ato të borës. (edhe gjatë dimrit është shumë tërheqës pasi që i gjithë liqeni ngrin dhe mund të ecësh brenda tij).
Liqeni i Drelajve apo liqeni i vogël gjindet 20 min larë nga liqeni i Liqenatit. Për të arrtiur atje duhet ndjekur shtegu në anën e majtë të liqenit të Liqenatit. Ky liqen ka një bukuri të rrallë kur është i mbushur me ujë andaj edhe pse është i bukur në çdo stinë, preferohet të vizitohet në pranverë apo në fillim të verës kur edhe bukuria e tij është në kulmin e vet.

Peja dhe Rugova janë pa asnjë dyshim destinacionet dimërore më të vizituara në Kosovë dhe me të drejtë; janë thjesht të mahnitshme!

Ndiqni videon:

https://www.instagram.com/p/CYY8JnoJQzT/

Një zonë turistike e jashtëzakonshme, me potenciale të turizmit gjithëvjetor, Peja nuk është vetëm një destinacion i madh e shumëplanësh për t`u vizituar por një ofertë turistike e mirëorganizuar, falë punës së madhe që komuna e Pejës, projektet ndërkombëtare por edhe vetë operatorët turistikë të Pejës kanë bërë së bashku e në koordinim të shkëlqyer. Edhe ky informacion, vjen në sajë të kuadrit të promovimit të vazhduwww.pejatourism.orgeshëm turistik të komunës së Pejës. Më shumë info për atraksionet e Pejës gjeni në: www.pejatourism.org