Bukuritë dhe veçantitë e trashëgimisë kulturore në Muzeun Etnologjik të Prishtinës

April 3, 2020 || views

Në Kosovë, përveç bukurive natyrore, ushqimeve etj., ata që duan të shijojnë edhe vlerat e trashëgimisë kulturore të Muzeut Etnologjik, albinfo.ch sjell disa nga pamjet më të bukura të vlerave kulturore dhe nostalgjinë e kohëve të dikurshme të shek XVIII.

Kosova, me vlerat e saj të trashëgimisë kulturore, është dhe mbetet një vend shumë tërheqës dhe i hapur për të gjithë.

Duke qenë se jemi duke u përballur me kohën e pandemisë, dhe pamundësinë e vizitimit të vendeve më të bukura të Kosovës, e veçmas atyre të trashëgimisë kulturore, albinfo.ch sjell për ju disa nga pamjet më të bukura të Muzeut Etnologjik të Prishtinës.

Trashëgimia kulturore e Kosovës ka vlera në cilësi dhe sasi, është e njohur edhe jashtë vendit, dhe është shumë tërheqëse për vizitorët që duan të shikojnë kryeveprat e kulturës dhe artit, për t’u njohur me dëshmitë klasike, dhe shumë koleksioneve të bukura që na zgjojnë nostalgjinë e jetës së dikurshme.

Kompleksi i banimit “Emin Gjiku” gjendet në bërthamën e vjetër të qytetit të Prishtinës, një monument i kulturës nga shekulli i 18-të. Në muze janë të ekspozuara mjetet dhe artikujt që lidhen me stilin e jetës nga periudha e periudhës osmane të Kosovës, që do të ju sjellum më poshtë.

Ky muze përbën një kompleks shumë karakteristik arkitektonik, ku ruhen objekte të rëndësishme me vlerë, e ku disa nga artefaktet kanë një vjetërsi prej dy e tre shekujsh, ndërsa vetë renditja ndërlidhet me katër tema që përfaqësojnë ciklin e lindjes, jetës, vdekjes dhe të trashëgimisë shpirtërore./albinfo.ch